कवित्वाभावान्मूकतामापन्नां परिहृत्य हृदयनिगूढो भाव उमानन्दनाथकुतूहलास्वादव्याजेन प्रकटीक्रियते –
अपि पुनरुदयेन्मे वासरस्तादृशोऽस्मिन्नपि पुनरुपयायात्तादृगेको मुहूर्त: ।
अपि पुनरिह च स्यात्स क्षणो यत्र मज्जाम्यखिलभुवनमातुर्दर्शनानन्दसिन्धौ ॥
इति ।
॥ अचलतपसामेकः पाकः प्रसूनशरासनप्रतिभटमनोहारी नारीकुलैकशिखामणिः ॥
– इति मूकेनापि वर्णिता प्रार्थ्यते देवता
॥ कुचभरनताः कुर्युर्भद्रं कुरङ्गविलोचनाः कलितकरुणाः काञ्चीभाजः कपालिमहोत्सवाः ॥
इति ।
